TODO O QUE FIXEMOS PARA O DÍA DA PAZ

 PREME NA IMAXE

Actividade de Educación Afectivo Sexual

 

O alumnado de 5º e 6º de Primaria participa no programa de Educación Afectivo Sexual, organizado polo profesorado do centro e impartido pola sexóloga e psicóloga Raquel Braña.

A charla/formación consiste en dúas sesións de hora e media (luns e xoves) e ten como obxectivos o coñecemento, a aceptación e a relación.

TODO O QUE FIXEMOS NO NADAL 2021

 Na seguinte presentación podemos ver todos os vídeos cos traballos realizados polo alumnado para ambientar o Nadal; as panxoliñas cantadas e bailadas e a dramatización do alumnado de 6º de Infantil "Cando os Grinch roubaron o Nadal".

Chega o tempo de descansar e estar en familia. Coidádevos moito! 

BO NADAL E FELIZ ANINOVO

TEATRO POLO NADAL invitados pola ANPA do colexio

 

Na mañá do venres, 10 de decembro, todo o colexio acudiu ao Teatro Pastor Díaz de Viveiro para ver  o espectáculo da compañía MOC MOC, invitados pola ANPA do cole.

A actuación fíxonos reflexionar sobre  a cantidade de  agasallos que soemos pedir polo Nadal e que compartir é moito mellor.

Despois do teatro fumos visitar o gran Belén e fixemos un percorrido polas rúas de Viveiro, aproveitando un pouco de bo tempo.

Pasámolo moi ben! 

Dámoslles as grazas a ANPA por ofrecernos este agasallo tan especial.

TRABALLOS DE OUTONO

 Cando o outono fai a súa aparición con el adoitan chegar as primeiras choivas, os ventos e as temperaturas máis frías.

É entón cando comezan a resultarnos irresistibles os pratos de alimentos propios desta época (cabaza, cogomelos, etc...) ademais dos pratos de culler ben quentiños.

Por isto e para dar a coñecer os alimentos propios desta estación, os nosos nenos/as pasaron a ser cociñeiros/as e elaboraron as súas receitas do outono, que recopilamos nun libro que quedará exposto na nosa biblioteca.

No seguinte vídeo, podedes ver: unha pequena mostra destas receitas tan apetitosas (pero temos moitísimas mais) e os murais tan bonitos que elaboraron, acompañados pola canción do "Outono" do poema de Xóan Neira, interpretada tamén polos nenos/as do noso cole.

 

 

3 de decembro, DIA INTERNACIONAL DAS PERSOAS CON DISCAPACIDADE

O 3 de decembro celébrase o Día Internacional das Persoas con Discapacidade co obxectivo de promover os seus dereitos e o seu benestar en todos os ámbitos da sociedade, así como concienciar sobre a súa situación en todos os aspectos da vida política, social, económica e cultural. Asegurar que poidan exercer os seus dereitos, sen ningún tipo de discriminación, é a nosa prioridade. E para concienciar ó noso alumnado, durante esta semana fixemos as seguintes actividades: 

•  Exposición de libros inclusivos.

• Lectura do conto "Supernenos"

Esta é unha bonita historia que axuda a concienciar aos máis pequenos de que as diferenzas non nos separan, senón que nos unen. O conto pretende cambiar a forma de ver a discapacidade e lanzar unha mensaxe de respecto, integración e tolerancia cara aos nenos e as nenas con diversidade funcional. Esperamos que vos guste tanto coma a nós!

• Elaboración de dous cadros-murais dos alfabetos: Dactilolóxico e Braille.

•   Canción "Bos Dias" na linguaxe de signos.

CHARLA INFORMATIVA SOBRE O ALZHEIMER

 

Na mañá do venres, 3 de decembro, persoal do Centro de Día Alzheimer Celeiro (a enfermeira, Rocío e o psicólogo sanitario, Carlos) impartiron unha charla informativa para o noso alumnado de 5º e 6º curso de Primaria.

Esta actividade forma parte do Programa Interxeracional entre o Centro de Día de Celeiro e o no colexio que se desenvolverá durante o presente curso.

As nenas e nenos responderon a cuestións previas que lles fixeron tanto Rocío como Carlos e despois da charla informativa poideron realizar preguntas sobre o tema, do cal están moi sensibilizados, pois a maioría tiveron ou teñen familiares afectados polo Alzheimer.